Is Blog Mein Hum Aapko Sikhaenge Asan Tarike Se Chicken Biryani Kaise Banate Hain.
Yakhni Recipe .
Aapko Sabse Phele Biryani Banane Ke Liye Yakhni Ki Tayyari Karni Hogi. Yakhni Banane Ke Liye Sabse Phele Hum Lenge 1 Kilo Chicken . Chicken Ko Acche Se Wash Kar Lenge Or Chicken Ko Ek Bhagone Me Daal Denge Or Usme 4 Se 5 Glass Pani Daal Denge . Phir Usme Ek Medium Size Ki Pyaz Ko Chheel Kar Daal Denge .6 se 7 Lassan Ki Kali Daal Denge . Or Phir Usme 1 Chhoti Katori Sabut Dhaniya Daal Denge .Or Phir Daalenge 1 Chhoti Katori Sonf. Or 1 Chammach Namak. Or Usko High Flame Karke Ek Ubaal Le Lenge. Ek Ubaal Aane Ke Baad Gas Band Kar Denge . Yakhni Humari Tayyar Hai . Chicken Ko Alag Nikal Lenge Or Yakhni Ka Pani Chhan Lenge Or Rakh Lenge .
Ek Bhagone Mein 3 Glass Chawal ko Acche Se Wash Karke 2 Ghante Ke Liye Bhigone Ke Liye Rakh Denge.
Chalye Biryani Banana Shuru Karte Hain.
Sabse Phele Ek Bhagoone Mein 3 bade Chammach Oil Ke Daal Denge . Oil Ko Acche Se Paka Lenge . Gas Ka Flame Low Karenge Ek Chhoti Katori Lassan Adrak Ka Pest Daal Denge . Or Acche Se Bhun Lenge. Acche Se Bhunne Ke Baad Usme 2 Medium Size Ke Tamatar Daal Denge . 5 Mint Tak Chalate Rahenge Uske Baad 4 Se 5 Hari Mirch Ko Daal Denge . 5 Mint Tak Chalane Ke Baad Usme Hum Chicken Daal Denge . Chicken Daalne Ke Baad 10 Mint Tak Bhun Lenge . Ab Hum Isme Daalenge Hari Mirch Ka Achar . Achar Daalne Ke Baad Humne Jo Chawal Bhigo Kar Rakhe The Uska Pani Hum Phek Denge . Sare Chawal Daal Denge . Or Jo Humne Yakhni Ka Pani Chhan Kar Rakha Tha Woh Daal Denge . Pani Humein Chawal Se Faltu Rakhna Hai . Yakhni Ka Sara Pani Humne Isme Daal Diya Hai . Namak chakh Lenge Agar Kam Lage Toh Namak Daal Denge . Namak Aap Apne Hisab Se Rakhein. Ab Gas Ka Flame High Karke Usko Plate Se Dhakh Denge. 5 Mint Tak High Flame Par Biryani Pakne Denge. 5 mint Baad Gas Ka Flame Low Karke 15Mint Tak Pakaenge.15 Mint Baad Plate Hata Kar Dekhenge Pani Khushak Hua Ya Nhi . Pani khushak Ho Gaya Hoga . Agar Pani Khushak Nhi Hua Toh Low Flame Par Pani Khushak Kar lenge .Phir Gas Ko Band Kar Denge.Ab Ek Cup Mein Aadha Cup Pani Lenge Or Usme Aadha Chammach Zarde Ka Rang Daalenge. Acche Se Rang Ko Mix Kar Lenge. Or isko Biryani Ke Bhagone Me 4 Taraf Daal Denge. Uske Upper Medium Size Ke 2 Tamatar Gol Gol Kaat Kar Daal Denge. Or Uske Sath 4 Se 5 Hari Mirch Ko beech Se Kaat Kar Upper Se Laga Denge .Phir Se Plate Dhak Denge Gas On Karke 2 Mint Low Flame Par Rakh Kar Gas Band Kar Denge.
Humari Chicken Biryani Ban Kar Tayyar Hai.